حافانی البین موّتته او گعد و استعـــد ( ضل حی)
مدّدنی امدود او ضل یضرب علی و استعد (تمکن)
داعیته بطلابتی واعدنی ابغدر و استعـــد (رجع)
***
ما کفنی ابساع ضل یثلم کسر همّتـــــی (قوّتی)
گاعدلی اگعود او ضربانی او فشخ همّتــی (هامتی)
شبّگنی اشباگ حفرالی او دفن همّتــی (مستقبلی )
استوحدنی یا ناس ما کفنی ظلم و استعد (تعود)
***
نسیت اسنین وسط الگلب ربّیــــــت (ربا)
ابطّن روحی سکنت اویای ربّیــــت (ربیت)
کبرت او ما دریت اباک ربّیت (رب البیت)
گمت تعصی کلامی ابلا شچـــــــــــیه
***
ما حسّبت گلبک علی شد غیــــــــض (مختاض)
ولا یوم انتظرت اویاک شد غیــــض (تغتاض معی)
اذا روحی جفت و الجسد شد غیض (تغتاض مع ای)
شعلت النار احرگت الثنیــــــــــــــــــــــه
***
لا تنطر علی روحی تعبنی الزمن من عـــدکم
لا تتضمّد اجروحی انکسر گلبی ابســــاعدکم
لا تنشد علی الفرگه الدهر هدد مشاعـــرکم
اسئل متی هل تابوت یرحّل گلبی من شرکم
***
روح او عوفنی ابمرمی المنیه ، حطنی ابگبر و اتدلل علیه
وین اربای وینه ، ما حصّلت زینه ، فضحانی ابونینـــه
تعبت اسنین ویاک اباذیه
***
حسبت احساب کبری آمّر اعلیک
ولا لحظه مضت والگلب ناسیـک
انظرگلبی تعبان ، ابدربک عینی نیشان ، تربیلک یزعلان
ترکت ادیارنه او عفت الخویه
روح او عوفنی ابمرمی المنیه ، حطنی ابگبر و اتدلل علیه
وین اربای وینه ، ما حصّلت زینه ، فضحانی ابونینــــه
تعبت اسنین ویاک اباذیه
***
بعد ما بیه احن واشتاق طرواک ، بعد ما بیه اتحمّل و اجی احذاک
انت الّی ردتهه ، والفرگه عدتهه ، و ابعمری سمتهــــــــــــه
نکرت اربای چا آنه اشبدیه
روح او عوفنی ابمرمی المنیه ، حطنی ابگبر و اتدلل علیه
وین اربای وینه ، ما حصّلت زینه ، فضحانی ابونینــــه
تعبت اسنین ویاک اباذیه
***
چنت اصغیر او روحی حنّت اعلیک ، رسمتک بلگلب لا مانی ناسیک
او هسّه اشّفت منّی ، من کثّرت همّی ، منّک فار دمـــــــــــی
لا تامر علی مشدوده ادیه
روح او عوفنی ابمرمی المنیه ، حطنی ابگبر و اتدلل علیه
وین اربای وینه ، ما حصّلت زینه ، فضحانی ابونینــــه
تعبت اسنین ویاک اباذیه
***
بچیت اعلیک ایامی او نهاری ، ما نامت العین او ظلمــــه داری
ادری بیک خوّان ، او گلبی اویاک خسران ، علی الّی فات ندمان
ابوکت کبری اسافر یا نویه
روح او عوفنی ابمرمی المنیه ، حطنی ابگبر و اتدلل علیه
وین اربای وینه ، ما حصّلت زینه ، فضحانی ابونینــــه
تعبت اسنین ویاک اباذیه
***
بزق نورک ابگلبی و آنه فرحان ، احب اسهر معاک او گلبی سکران
تحّیل گلبک اویای ، اتحمّل خطایای ، خنتنی لیش یهــــــــوای
روح او داعت الله آنه فدیه
روح او عوفنی ابمرمی المنیه ، حطنی ابگبر و اتدلل علیه
وین اربای وینه ، ما حصّلت زینه ، فضحانی ابونینــــه
تعبت اسنین ویاک اباذیه
***
اچّم مره خنتنی او عاتبیتک ، چنت نازل ابگلبی او صعّدیتـــــــک
لیش اتعذب الروح ، ابجفاک الگلب مجروح ، تضرب راسی بلصوح
غریب اطلعت تایه بلثبیه
روح او عوفنی ابمرمی المنیه ، حطنی ابگبر و اتدلل علیه
وین اربای وینه ، ما حصّلت زینه ، فضحانی ابونینـــه
تعبت اسنین ویاک اباذیه
***
جاسم ثعلبی (حسّانی) 29/10/1391
:: برچسب‌ها:
موال و ابوذیات وفسته روح او عوفنی ابمرمی المنیه ,
:: بازدید از این مطلب : 1963
|
امتیاز مطلب : 7
|
تعداد امتیازدهندگان : 3
|
مجموع امتیاز : 3
عضو شوید
عضویت سریع
آمار مطالب
آمار بازدید
